Jardunaldi hauek emakume sortzaile eta jokalariaren papera aldarrikatuko duen proiektu bat aurrera eramateko indarrak batzeko ilusiotik jaio dira. Rolaren, mahai-jokoen, TCGen eta Wargameen mundua espazio anitza, sortzailea eta komunitarioa delako uste osotik sortzen dira, baina baita urteak daramatzaten hainbat eta hainbat emakume diseinatzen, kontatzen, ilustratzen, antolatzen eta jolasten, batzuetan merezi duten aitortzarik gabe ikusarazi beharretik ere.
Ahots horiek, mahai horiek eta istorio horiek erdigunean jarri nahi ditugu. Ez baztertzeko, handitzeko baizik; ez zatitzeko, batzeko baizik. Irmoki sinesten dugu erreferente femeninoak aitortzen direnean eta espazio seguru eta agerikoak sortzen direnean, emakume gehiago animatzen direla parte hartzera, sortzera eta zaletasun honen barruan betidanik izan duten lekua naturaltasunez betetzera.
Jardunaldi hauek, beraz, ospakizun eta asmo adierazpen dira. Partekatzen dugun talentua, irudimena eta komunitatea ospatzea; eta aisialdi berdinzaleago, irekiago eta adierazgarriago baten alde lanean jarraitzen dugula argi adieraztea. Golem taldetik eta Ábacotik, rola eta jokalari komunitateari proiektu honetan parte hartzera gonbidatu nahi ditugu: etortzera, jolastera, partekatzera eta laguntzera.
Izan ere, partida bakoitzak balio du. Mahai partekatu bakoitzak batu egiten du. Eta zaletasun inklusiboago baterantz emandako pauso bakoitzak komunitate gisa hobeak egiten gaitu. Zure zain gaude!
